Betiyaan aur Chudiyaan !!

Khanakti chudiyan ek bala ke hathon me..
Aur gungunati betiyan babul ke aangan me..

Hoti hain ek jaisi dilkash...
Yauvan se paripoorn raunaqen badhati hui
Zindagi ko khanakte suron se sajatii hui

Hoti hain ek jaisi nazuk...
Seham jati hain anhoni ki aashanka se
Bikhar jati hain zara bhi thes jo lage

Betiyon ke hathon ki khanakti chudiyan
Aur chudiyon si khanakti betiyan...
Kuchh to alag nahi hain..

Jeena sikhati hain hanste khanakte hue
Mushkilon se joojhkar ladte hue...
Hansi muskan labon par sajakar
Toot jati hain par...
Khanakna nahin bhooltin
Chudiyan aur Betiyan !!

Kuchh der ke liye duniya se hata lo betiyan
Aur ek dulhan ke hathon me saji chudiyan...
Berang nazar aaegi
Phir ye duniya...
Suni ho jaegi ujad jaegii
Inke bina...
Inhe jhidakne walon hosh me aao
Sambhal jao...
Inke bina adhura tumhara sansar haii..
Kisi kawi ki rachna puri nahin..
Koi chitr koi kalpna puri nahin..
Chudiyan aur Betiyan jaise
Har sundarta ka aadhaar hain...!!

A tribute to my mum..written on mother's day, 2006

Dekhii bahut jahan me karigari Khuda kii....
Par ek dil bada ajab sa dekha maine !!

Apni aankh se nikle ek aansu par.....
Ek aankh se sagar ko ubalta dekha maine !!

Anurodh kya kar diya ek bar....
Ek dil ko har bar pighalta dekha maine !!

Apni beja Khwahish par bhii....
Ek khwahish ko jalta dekha maine !!

Kaun kehta hai nahi milte Bhagwan....
Ek param ko chhutpan se hai dekha maine !!